Hindistanın məşhur “Deccan Herald” nəşrinin jurnalisti Kalpana Sander Milli Turizm Administrasiyasının dəvəti ilə Gürcüstana səfər edib. Milli Turizm Administrasiyası xəbər verir ki, jurnalist Gürcüstanın turizm potensialı, mədəniyyəti və mətbəxi haqqında bir neçə məqalə hazırlayıb.

“Gürcüstanın paytaxtının kurort mədəniyyətinə dalın və ağrıdan qurtulacaqsınız. Nariğala altında yerləşən Abanotubanidə hava çürük yumurta qoxusu ilə doymuşdur, bir çox insan yerin altından axan Tbilisinin kükürd sularının varlığından xəbərsizdir. Tbilisinin əsası məhz termal bulaqların olması səbəbindən qoyulmuşdur. Geotermal bulaqlar Gürcüstan paytaxtının mədəniyyətinin və şəxsiyyətinin əziz hissəsinə çevrilib. Avropa və Asiyanın qovşağında yerləşən Tbilisinin kükürdlü bulaqları şəhərin mədəniyyətində, musiqisində və poeziyasında öz əksini tapıb – deyə “Deccan Herald” qəzetinin jurnalisti yazır və Tbilisinin tarixini, şəhərin ən qədim rayonlarını, hamamlarını və Hindistanın Baş naziri İndira Qandi başda olmaqla, məşhur insanların ziyarət etdiyi Tbilisinin balneoloji kurortunu ətraflı təsvir edir.