Hindistanın baş naziri Narendra Modi Ukraynaya səfər edib. Modi getməzdən əvvəl dediyi kimi, o, hazırkı münaqişənin sülh yolu ilə həlli perspektivlərini prezident Volodimir Zelenski ilə bölüşməyi planlaşdırır.

Hindistan mətbuatının məlumatına görə, Narendra Modi Ukraynaya prezident Volodimir Zelenskinin dəvəti ilə gəlib.

Bu, 1991-ci ildə iki ölkə arasında diplomatik münasibətlərin qurulmasından sonra Hindistanın baş nazirinin Ukraynaya ilk səfəridir.

Hindistanın baş naziri Polşadan Ukraynaya gəlib, burada prezident Anjey Duda və baş nazir Donald Tusk ilə görüşüb.

Narendra Modinin Ukraynaya səfəri onun iyulun 8-9-da Moskvada olmasından sonra baş verib və bu, ABŞ hökuməti və Ukrayna prezidentinin tənqidinə səbəb olub.