Hərbi qulluqçular bu gün səhər saatlarından davam edən axtarış əməliyyatlarında fəal iştirak ediblər.

Müdafiə naziri Cuanşer Burchuladze, Müdafiə Qüvvələrinin komandanı, general-mayor Q.Matiaşvili və Müdafiə Qüvvələrinin yüksək rütbəli rəsmiləri səhər saatlarından təbii fəlakət bölgəsindədirlər.

Müdafiə Nazirliyinin məlumatına görə, hərbçilər İnfrastruktur Nazirliyinin Yollar Departamentinin tırtıllı texnikası ilə çayın o biri sahilinə çıxaraq uçan yamacın perimetri üzrə yayılıb və sistemli şəkildə əraziyə baxış keçirirlər.

Avqustun 3-də Şovidə sürüşmə baş verib. Hazırda mövcud olan rəsmi məlumata görə, təbii fəlakət nəticəsində 11 nəfər həlak olub.

Gürcüstanda 7 avqust matəm günü elan edilib.