Yeni il tədbirlərinə hazırlıq işləri ilə əlaqədar dekabrın 8-i saat 23:00-dan dekabrın 10-u saat 23:00-dək Qriqol Orbeliani meydanı ərazisində, Atoneli küçəsindən Vaxtanq Orbeliani döngəsi 13 ünvanınadək avtomobillərin hərəkəti məhdudlaşdırılacaq.

Paytaxt meriyasının məlumatında qeyd olunan müddətdə avtomobillərin Qia Chanturia küçəsindən İtaliya küçəsi istiqamətində hərəkət edə biləcəyi deyilir.

“Yeni il tədbirlərinə gəlincə, dekabrın 10-u saat 23:00-dan gələn ilin yanvarın 10-u saat 23:00-dək quru körpü, İtaliya küçəsi və Orbeliani meydanının ərazisində – Atoneli küçəsindən Orbeliani döngəsi 13 ünvanınadək nəqliyyatın hərəkəti məhdudlaşdırılacaq. Bir ay ərzində Zaarbrüken meydanından quru körpü istiqamətində hərəkət edən avtomobillər Kürün sağ sahili istiqamətində hərəkət edə biləcəklər.

Zviad Qamsaxurdia sahilindən Soliko Virsaladze küçəsinə doğru hərəkət edən avtonəqliyyat vasitələri Atoneli küçəsinə doğru hərəkət edəcək, sonra sağa dönərək Chanturia küçəsi istiqamətində hərəkət edə biləcəklər”- meriyanın məlumatında deyilir.