Hazırkı məlumatlara əsasən, Ermənistan parlamentində hakim “Vətəndaş Müqaviləsi” Partiyası 61 mandat, “Güclü Ermənistan” bloku isə 28 mandat qazanacaq
Ermənistanda parlament seçkilərinin hazırkı nəticələrinə əsasən, Ermənistan Milli Assambleyasında dörd siyasi qüvvə təmsil olunacaq: “Vətəndaş Müqaviləsi”, “Güclü Ermənistan” bloku, “Ermənistan” bloku və “Çiçəklənən Ermənistan” Partiyası.
Mandatlar aşağıdakı qaydada bölüşdürüləcək: “Vətəndaş Müqaviləsi” – 61 mandat, “Güclü Ermənistan” bloku – 28 mandat, “Ermənistan” bloku – 11 mandat, “Çiçəklənən Ermənistan” Partiyası – 5 mandat.
Son anda “Çiçəklənən Ermənistan” Partiyası 4 faizlik baryeri keçib və bunun nəticəsində parlamentə düşə bilib.
Dörd ən böyük milli azlığın mandatlarından dörd yerdən üçü “Vətəndaş Müqaviləsi”nə, biri isə “Güclü Ermənistan” blokuna keçir və bununla da blokun mandatlarının sayı 28-ə çatır.
Bununla yanaşı, Ermənistan Mərkəzi Seçki Komissiyasının yenilənmiş məlumatlarına görə, parlament seçkilərində səslər aşağıdakı kimi bölüşdürülüb:
“Vətəndaş Müqaviləsi” səslərin 49,81 faizini (727 160 səs) toplayıb. İkinci yerdə 23,29 faiz (340 062 səs) nəticə göstərən “Güclü Ermənistan” bloku qərarlaşıb. Üçüncü yeri 9,94 faiz (145 097 səs) toplayan “Ermənistan” bloku tutub. Dördüncü yerdə isə 4,00 faiz (58 368 səs) nəticə əldə edən “Çiçəklənən Ermənistan” Partiyası qərarlaşıb