Gürcüstan Dövlət Təhlükəsizliyi Xidməti (DTX) təsdiqləyib ki, casusluq ittihamı ilə saxlanılan şəxs Gulbaat Rtskhiladzedir.

Gulbaat Rtskhiladze “Avrasiya İnstitutu” təşkilatının təsisçisidir.

Eyni zamanda onun adına bir neçə təşkilat da qeydiyyatdan keçib, o cümlədən “Qafqaz Əməkdaşlığı”, “Gürcüstanın Ölümsüz Ordusu” və “Xalq Hərəkatı Gürcü-Rusiya dialoqu və əməkdaşlığı üçün”.

Qeyd olunur ki, DTX-nin bu gün keçirdiyi brifinqdə bildirilmişdi ki, casusluq ittihamı ilə saxlanılan şəxs iki xarici ölkənin xüsusi xidmət orqanlarına məlumat ötürən qeyri-hökumət təşkilatının rəhbəridir.

DTX-nin məlumatına görə, saxlanılan şəxs müxtəlif fəaliyyətlərin təşkili üçün informasiya platformaları yaradıb və ölkə üzrə müxtəlif tədbirlərin keçirilməsini təşkil edib.