Gürcüstanın Daxili İşlər Nazirliyinin əməkdaşları Batumi şəhərində İnterpolun qırmızı bülleteni ilə beynəlxalq axtarışda olan Türkiyə vətəndaşını saxlayıblar

Gürcüstan Daxili İşlər Nazirliyinin Mərkəzi Cinayət Polisi Departamentinin Acarıstan Baş İdarəsinin əməkdaşları İnterpolun qırmızı bülleteni ilə axtarışda olan Türkiyə Respublikası vətəndaşını saxlayıblar.

Saxlanılan şəxs Türkiyə Respublikasının hüquq-mühafizə orqanlarının tələbi əsasında müxtəlif cinayətlərə görə İnterpol xətti ilə beynəlxalq axtarışda olub. Hüquq-mühafizə orqanları aparılan istintaq tədbirləri nəticəsində onu Batumi şəhərində saxlayıblar.

Hazırda saxlanılan şəxs barəsində qanunvericiliyə uyğun ekstradisiya prosedurları həyata keçirilir.

Məlumatı Gürcüstan Daxili İşlər Nazirliyinin mətbuat xidməti yayıb.