“Güclü Gürcüstan” siyasi hərəkatının lideri Ana Dolidzenin Birinci Kanalın jurnalistlərinə və bütövlükdə quruma qarşı səsləndirdiyi aqressiyaya cavab vermək istərdik. Görünən odur ki, xanım Dolidze İctimai Yayımçıya qarşı hansısa mübahisələr salmağa, ayrı-seçkilik yaratmağa çalışır.

İlk növbədə, onun nümayişlər zamanı jurnalistlərimizə qarşı aqressivliyi bizi narahat edir ki, bu da nəzarətsiz prosesə gətirib çıxara, jurnalistin və onu müşayiət edən çəkiliş qrupunun təhlükəsizliyinə təhlükə yarada bilər, hətta jurnalist fəaliyyətinə maneçilik törədə bilər. Digər tərəfdən, onun Birinci Kanala qarşı məqsədyönlü və əsassız neqativ kampaniyası qurumu süni şəkildə təcavüz obyektinə çevirir ki, bu da ictimai yayımda çalışan bütün şəxslər üçün təhlükə yarada bilər.

Qeyd edək ki, xanım Ana Dolidzenin davranışı digər siyasi liderlər tərəfindən də təqlid olunur və bu, təhlükəli tendensiyalarla bağlı narahatlığımızı bir daha təsdiqləyir. Biz bu cür hərəkəti qətiyyətlə pisləyir və “Güclü Gürcüstan” siyasi birliyinə müraciət edirik. Həmçinin digər siyasi aktorlar da baş verə biləcək mənfi nəticələrlə bağlı öz məsuliyyətlərini dərk etməli və jurnalistlərlə və media qurumumuzla münasibətdə ümumi qəbul edilmiş davranış qaydalarına əməl etməlidirlər.