Gürcüstanın Birinci Kanalı Şota Rustaveli adına Teatr və Kino Dövlət Universitetinin təşkilatçılığı ilə keçirilən “Pitching Forum” tələbə film festivalının qaliblərini mükafatlandırıb.

İctimai Yayımçı festivala mükafat fondu üçün 5000 lari verib, ikinci və üçüncü yerləri tutan layihələrə isə İctimai Yayımçı layihənin icrasının müxtəlif mərhələlərində maddi-texniki baza ilə köməklik göstərəcək.

İctimai Yayımçı ölkədə orijinal gürcü proqram və sənədli filmlərinin ən böyük istehsalçılarından biridir. Bundan əlavə, bu sahədə sənayeni dəstəkləmək və investisiya məqsədini hədəfləyir.

“Gürcüstanın Birinci Kanalı mədəniyyət və yaradıcılıq sənayesinə mühüm töhfə verir, gürcü istehsalının artımını təşviq edir və iş yerləri yaradır. Yayımçı gürcü kino məhsullarının birgə istehsalına və müştərək maliyyələşdirilməsinə 500.000 lariyə qədər sərmayə qoyub, bu sənədli və bədii filmlərin və bu istiqamətdə layihələrin müştərək maliyyələşdirilməsini əhatə edir” – deyə Gürcüstanın Birinci Kanalının baş direktoru Tinatin Berdzenişvili bildirib.

“Pitching Forum” sənaye layihəsi Gürcüstanın Şota Rustaveli adına Teatr və Kino Dövlət Universitetinin təşkilatçılığı ilə keçirilən Tələbə Filmləri Festivalı çərçivəsində Gürcüstanın Birinci Kanalı, Tbilisi meriyası və Gürcüstan Milli Kinomatoqrafiya Mərkəzinin dəstəyi ilə keçirilib.

Xatırlatmaq istərdik ki, İctimai Yayımçının müştərək maliyyə dəstəyi ilə çəkilən filmlər Gürcüstan və beynəlxalq festivallarda bir sıra uğurlar qazanıb, o cümlədən Birinci Kanalın birgə istehsalı olan Levan Koğuaşvilinin “Dördüncü Brayton” filmi “Tribeca” festivalında 3 medal qazanıb, “Oskar” mükafatına təqdim olunub.