Gürcüstanın Birinci Kanalı İsveçrənin Reytinq Asosiasiyası və Milli Biznes Reytinqlər İttifaqının birgə beynəlxalq mükafatı olan “İlin lideri”-nin (Leader of the year) sahibi oldu.

Beynəlxalq mükafat Gürcüstanın Birinci Kanalına öz sahəsində idarəçilik effektivliyinə görə verildi.

“Əlbəttə ki, Birinci Kanalı seçkdikləri üçün təşəkkür edirəm. Hər bir mükafat təşkilat və onun əməkdaşları üçün yeni bir motivasiyadır. Təşəkkür edirəm ki, Gürcüstanın Birinci Kanalının sürətli inkişafı görüldü” – dedi Gürcüstanın Birinci Kanalının baş direktorunun birinci müavini Tiko Berdzenişvili.

Mərasimdə mükafatlar gürcü, qazax və Ukrayna medya təşkilatlarına verildi.

Beynəlxlaq mükafat üçün biznes şirkətlərinin illik dövriyyəsi, işlə təmin edilən insanların sayı və dövlət büdcəsinə daxil edilən məbləğ nəzərə alınır.

Gürcüstan beynəlxalq biznesreytinqlər ittifaqının üzv ölkəsi 2015-ci ildə oldu.

Şirkətlərə isə, “İlin lideri” mükafatı 2017-ci ildən verilir.