Əlverişsiz hava şəraiti ilə əlaqədar Gürcüstanın bir neçə avtomobil yolunda xüsusi hərəkət rejimləri tətbiq edilib.

Avtomobil Yolları İdarəsinin məlumatına əsasən, avtomobil yolunun aşağıdakı hissələrində xüsusi hərəkət rejimlərin müəyyən edilib:

Qarın yağması ilə əlaqədar beynəlxalq əhəmiyyətli Mtsxeta-Stepantsminda-Larsi avtomobil yolunun Qudauri (Posta)-Kobi hissəsində, respublika əhəmiyyətli Qomi-Saçxere-Chiatura-Zestaponi daxili avtomobil yolunda, respublika əhəmiyyətli Kutaisi (Motsameta)-Tğibuli-Ambrolauri daxili avtomobil yolunun 39 km -62 km (Nakerala dağ keçidi) hissəsində və respublika əhəmiyyətli Saçxere (Sareki)-Uzunta-Şkmeri-Zudali daxili avtomobil yolunda qoşqulu və yarımqoşqulu avtonəqliyyat vasitələrinin hərəkəti qadağan edilib.

İntensiv qar və aşağı temperatur ilə əlaqədar respublika əhəmiyyətli Vaziani-Qombori-Telavi daxili avtomobil yolunun 36 km- 47 km (Tetritsğlebi-Verona) hissəsində yalnız yolsuzluq avtomobillərinin hərəkətinə icazə verilir. Avtomobil yolunun qalan hissələrində avtonəqliyyat vasitələrinin hərəkəti sərbəstdir.

Qar və qar uçqunu təhlükəsi ilə əlaqədar respublika əhəmiyyətli Zuqdidi-Cvari-Mestia-Lasdili daxili avtomobil yolunun 178 km -185 km (Kala-Uşquli) hissəsində bütün növ avtonəqliyyat vasitələrinin hərəkəti qadağan edilib. Eyni avtomobil yolunun 70 km- 178 km (Xaişi-Qala) hissəsində qoşqulu, yarımqoşqulu avtonəqliyyat vasitələri və M3 kateqoriyalı 22-dən çox oturacaq yeri olan (sürücü oturacağı istisna olmaqla) sərnişin daşınması üçün nəzərdə tutulmuş nəqliyyat vasitələrinin hərəkəti qadağan edilib. 100 km -178 km (Laxamula-Kala) hissəsində sürüşməyə qarşı zəncirlərdən istifadə etməklə yüngül avtomobillərin hərəkətinə icazə verilir. Yolsuzluq avtomobillərinin hərəkəti sərbəstdir. Avtomobil yolunun 1 km -70 km (Zuqdidi-Xaişi) hissəsində avtonəqliyyat vasitələrinin hərəkəti sərbəstdir.