ABŞ-da Gürcüstan Səfirliyinin məlumatına görə, Səfirlik ABŞ-da Gürcüstanın fövqəladə və səlahiyyətli təmsilçisi, Giorgi Tsikoliya ilə vida axşamı keçirdi.

Səfirlikdə bəyan edirlər ki, tədbirdə Gürcüstanın səfiri Davit Zalkalyan Səfirlikdəki fəaliyyəti nəticəsində Gürcüstan və ABŞ arasında əməkdaşlığın dərinləşməsinə verdiyi xüsusi töhfəyə görə təmsilçiyə təşəkkür etdi. Tədbirdə ABŞ-ın ticarət nazirinin keçmiş müavini, Bryus Endryus da çıxış edərək, ikitərəfli iqtisadi əlaqələrin dərinləşməsinə görə təmsilçiyə təşəkkürünü bildirdi. Giorgi Tsikoliya son yeddi ildə Gürcüstan-ABŞ münasibətlərinin möhkəmləndirilməsi istiqamətində atılan addımları nəzərdən keçirdi. Təmsilçi ikitərəfli əməkdaşlığımızın son illər daha da dərinləşdiyini və genişləndiyini qeyd etdi və sarsılmaz dəstəyə görə Səfirliyin komandasına, Xarici İşlər Nazirliyinə və Amerikalı partnyorlara təşəkkür etdi.

Qəbulda Vaşinqtonda akkreditə olunmuş səfirlər, ABŞ-ın icra və qanunvericilik orqanlarından Səfirliyin partnyorları, qeyri-hökumət təşkilatlarının nümayəndələri və Səfirliyin əməkdaşları iştirak etdilər.

“Səfirliyin əməkdaşları Giorgi Tsikoliyaya Səfirlikdəki səmərəli fəaliyyətinə və ikitərəfli münasibətlərə verdiyi töhfəyə görə təşəkkür edir və ona gələcək fəaliyyətində uğurlar arzulayırıq”, – Səfirlikdə bəyan edirlər.