Gürcüstanda 8728 yeni koronavirusa yoluxma halı aşkarlanıb. Bu barədə məlumat bu yaxınlarda hökumətin stopcov.ge xüsusi saytında yenilənib.

Son 24 saat ərzində ölkədə 8545 nəfər sağalıb. Son sutka ərzində 43 nəfər koronavirusdan dünyasını dəyişib.

Son 24 saat ərzində ölkədə 63 605 test, o cümlədən 33 350 sürətli antigen testi, 30 255 PCR testi aparılıb.

Ölkədə koronavirus aşkarlanma göstəriciləri belədir: gündəlik – 13,72%, son 14 gündə – 10,44%, son yeddi gündə – 10,93%.

Gürcüstanda ümumilikdə 1 015 592 koronavirusa yoluxma halı müəyyən edilib, onlardan 943 212 nəfər sağalıb, 14 555 nəfər isə dünyasını dəyişib.

Ümumilikdə 2 milyon 632 min 527 peyvənd aparılıb, onlardan gündəlik 9 min 340 peyvənd vurulub.

43 nəfər karantində, 4 386 nəfər stasionarda, 1 896 nəfər isə kliniki mehmanxanada müşahidə altındadır.

Eyni zamanda, yanvarın 18-nə Gürcüstanda 7521 yeni koronavirusa yoluxma faktı aşkar edilib, 3160 xəstə sağalıb, 31 nəfər dünyasını dəyişib.