Gürcüstan Xarici İşlər Nazirliyi Böyük Britaniyanın fövqəladə və səlahiyyətli səfiri Qaret Uordu çağırıb. Britaniyalı diplomatı Xarici İşlər Nazirliyinin rəhbəri Maka Boçorişvili qarşılayıb.

Xarici İşlər Nazirliyinin məlumatına görə, görüşdə gürcü tərəfi Böyük Britaniyanın Gürcüstan rəsmilərinə qarşı sanksiyalar tətbiq etməsindən narahatlığını bildirib.

Maka Boçorişvili izah edib ki, bu cür hərəkətlər iki ölkə arasında dostluğa xələl gətirir.

Bundan əlavə, xarici işlər naziri Gürcüstanda gedən proseslərin obyektiv və qərəzsiz qiymətləndirilməsinin xüsusilə vacib olduğunu vurğulayıb.

Görüşün sonunda Gürcüstan və Böyük Britaniya Xarici İşlər nazirlikləri arasında əməkdaşlığın müsbət dinamikaya qayıdacağına ümid ifadə olunub.