Gürcüstan və Rumıniya arasında birbaşa hava əlaqəsi bərpa olunacaq
Gürcüstan və Rumıniya paytaxtları arasında birbaşa müntəzəm hava əlaqəsi bərpa olunacaq.
Gürcüstan Hava Limanlarının İdarəedilməsi-nin məlumatına görə, uçuşları rumın aviaşirkəti Dan Air yerinə yetirəcək və marşrut Buxarest–Tbilisi–Buxarest olacaq.
Məlumata əsasən, aviaşirkətin Gürcüstan Mülki Aviasiya Agentliyi-nə təqdim etdiyi müraciətə uyğun olaraq uçuşlar 1 iyuldan 24 oktyabra qədər həyata keçiriləcək və həftədə iki dəfə — hər çərşənbə axşamı və şənbə günləri yerinə yetiriləcək.
Gürcüstan Mülki Aviasiya Agentliyi 9 iyun tarixində aviaşirkətə uçuşların həyata keçirilməsi üçün müvafiq icazə verib.