Gürcüstan Prezidentinin Administrasiyası Azərbaycan prezidenti İlham Əliyevin Gürcüstana səfəri ilə bağlı bəyanat yayır və qeyd edir ki, Salome Zurabişviliyə İlham Əliyevin Gürcüstana işgüzar səfəri barədə məlumat verilməyib.

“Gürcüstan prezidenti Azərbaycan Respublikasının prezidenti cənab İlham Əliyevin Gürcüstana işgüzar səfərini alqışlayır.

Məsələnin əhəmiyyətindən irəli gələrək Gürcüstan Prezidentinin Administrasiyası qonşu və dost ölkənin prezidenti cənab İlham Əliyevin Gürcüstana işgüzar səfəri barədə prezidentə məlumat verilmədiyini ictimaiyyətə çatdırmağı məqsədəuyğun hesab edir.

Gürcüstan prezidentinin istəyinə və hazır olmasına baxmayaraq, təəssüf ki, prezidentlər arasında ənənəvi olaraq bütün dövlət başçılarının ölkəyə səfəri zamanı keçirilən görüş baş tuta bilmədi.

Gürcüstan prezidenti bir daha Azərbaycan Respublikasının prezidentini yaxın gələcəkdə rəsmi səfərdə qəbul etməyə hazır olduğunu bildirir və arzusunu ifadə edir”- deyə Gürcüstan Prezidentinin Administrasiyasının bəyanatında qeyd olunub.