Gürcüstan Pensiya Fondu: 31 may 2026-cı il məlumatına görə, yığım pensiya sxeminə 1 milyon 742 min nəfər qoşulub, 32 302 nəfər isə yığım pensiyasından istifadə edib

Gürcüstan Pensiya Fondu 2026-cı il 31 may statistikasını açıqlayıb

Gürcüstan Pensiya Fondunun məlumatına görə, yığım pensiya sxeminə qoşulan iştirakçıların sayı 1 milyon 742 min nəfərə çatıb.

2026-cı il 31 may vəziyyətinə əsasən, 32 302 nəfər yığım pensiyasından istifadə edib və onlara pensiya şəklində ümumilikdə 160 612 324,43 lari ödənilib.

May ayının sonuna olan göstəricilərə görə, Gürcüstan Pensiya Fondunun aktivləri 9,4 milyard larini keçib, əldə edilən ümumi gəlir isə 2,7 milyard laridən çox olub.

Eyni zamanda, Pensiya Fondu 2026-cı ilin may ayı üzrə investisiya portfellərinin nəticələrini də açıqlayıb.

Bildirilir ki, may ayında portfellərin müsbət nəticəsi əsasən beynəlxalq səhmlərin yüksək gəlirliliyi ilə bağlı olub. Artımın əsas səbəbi süni intellekt sahəsinə dair investor optimizminin yenilənməsi olub ki, bu da qlobal yarımkeçiricilər, yaddaş çipləri və texnoloji şirkətlərin səhmlərinə müsbət təsir göstərib.

May ayında ən yüksək gəlirliliyi 2,49% ilə dinamik portfel göstərib. Balanslaşdırılmış portfel 1,99%, konservativ portfel isə 1,29% gəlir əldə edib.

İlin əvvəlindən bu günə qədər bütün portfellər müsbət nəticə göstərib: dinamik – 8,99%, balanslaşdırılmış – 7,45%, konservativ – 5,91%.

Dinamik portfel yarandığı gündən etibarən ən yüksək gəlirliliyə malikdir və illikləşdirilmiş gəliri 15,51% təşkil edir. Balanslaşdırılmış portfel üçün bu göstərici 13,90%, konservativ portfel üçün isə 10,40%-dir.