Gürcüstan Patriarxlığı Rus Pravoslav Kilsəsinin Xarici Əlaqələr Şöbəsinin rəhbəri, Volokolam mitropoliti Antoninin Gürcüstana səfər etməyi planlaşdırdığı barədə məlumatı təkzib edir.

Bununla yanaşı, Patriarxlığın bəyanatında qeyd edildiyi kimi, II İlianın yubiley tarixləri ilə əlaqədar olaraq xaricdən qonaqların qəbulu ümumiyyətlə planlaşdırılmır.

“Rus Pravoslav Kilsəsinin Xarici Əlaqələr Şöbəsinin rəhbəri, Volokolam mitropoliti Antoninin (Sevriuk) guya Gürcüstana səfərinin planlaşdırıldığı barədə həqiqətə uyğun olmayan məlumat yayılır, Gürcüstan Patriarxlığında belə bir şey planlaşdırılmayıb.

Bundan əlavə, qeyd edirik ki, Ümumi Gürcüstanın katolikos-patriarxı II İlianın yubiley tarixləri ilə əlaqədar olaraq, ümumiyyətlə xaricdən qonaqların, o cümlədən nümayəndə heyətlərinin və ya ayrı-ayrı dünyəvi və ya ruhani şəxslərin qəbulu nəzərdə tutulmur” – deyə bəyanatda qeyd olunub.

Rus Pravoslav Kilsəsinin Xarici Əlaqələr Şöbəsinin rəhbəri, Volokolam mitropoliti Antoninin Gürcüstana mümkün səfəri barədə dekabrın 9-da məlumat yayılıb.