Gürcüstan parlamentinin sədri Şalva Papuaşvili deputatlarla birlikdə Türkiyə Respublikasının Böyük Millət Məclisinin sədri Mustafa Şentop və Türkiyə nümayəndə heyəti ilə geniş tərkibdə görüşüb.

Parlamentin mətbuat xidmətinin məlumatına görə, Şalva Papuaşvili türkiyəli həmkarına Gürcüstana səfərinə, eləcə də Türkiyənin Gürcüstanın Avro-Atlantik səylərinə verdiyi güclü dəstəyə görə təşəkkür edib.

” İki ölkə arasındakı dostluq və strateji tərəfdaşlıq əlaqələrindən danışarkən, bu il diplomatik münasibətlərin bərpasının 30-cu ildönümünün qeyd olunduğu bildirilib. 

Tərəflər əməkdaşlığı daha da genişləndirməyə hazır olduqlarını bir daha təsdiq ediblər. Bu baxımdan parlamentlərarası əlaqələrin intensivləşdirilməsi və iki ölkənin parlamentləri arasında əməkdaşlıq haqqında Mustafa Şentopun səfəri zamanı imzalanmış sənədə diqqət yetirilib.

Tərəflər müxtəlif sahələrdə əməkdaşlığın gücləndirilməsini müzakirə ediblər. İqtisadi və turizm əlaqələrinin uğurlu təcrübəsi vurğulanıb.

Görüşdə həmçinin regionda gedən proseslər müzakirə edilib, Ukraynada gərginliyin azaldılması və müharibənin qarşısının alınmasının vacibliyi vurğulanıb.

Parlamentin sədri Türkiyənin ölkəmizin ərazi bütövlüyü və suverenliyinə verdiyi dəstəyə görə Mustafa Şentopa təşəkkür edib “, – deyə Parlamentin Mətbuat Xidmətinin məlumatında deyilir.

Onların verdiyi məlumata görə, Türkiyə Respublikasının Böyük Millət Məclisinin sədri Gürcüstan parlamentinin sədrini Türkiyə Respublikasına rəsmi səfərə dəvət edib.