Gürcüstan - İspaniya matçının biletləri avqustun 15-dən satışa çıxarılacaq #1TVSPORT

12:49, 12.08.2023

Futbol Federasiyası xəbər verir ki, Gürcüstan və İspaniya milli komandaları arasında keçiriləcək görüşün biletləri avqustun 15-dən etibarən yalnız onlayn rejimdə satılacaq.

Gürcüstan millisi 2024-cü il Avropa çempionatının seçmə mərhələsi çərçivəsində sentyabrın 8-də İspaniya ilə oyun keçirəcək. Görüş Boris Paiçadze adına “Dinamo Arena”da keçiriləcək.

Biletlər TKT.GE saytında 15 avqust saat 12:00-da satışa çıxarılacaq. Hər bir müştəri oyunda iştirak etmək üçün maksimum dörd bilet ala bilər. Biletin qiyməti 10, 20, 30 və 50 laridir.

Gürcüstan millisi 2024-cü il Avropa çempionatının seçmə mərhələsinin A qrupunda 3 oyun keçirib və 4 xalla Norveçlə ikinci və üçüncü yerləri bölüşür.

Müəllif - Sevinj Mustafaeva

İdman