Dekabrın 3-nün Əlillərin Hüquqlarının Beynəlxalq Müdafiəsi Günüdür, əlilliyi olan şəxslərin hüquqlarının müdafiəsi və onların maraqlarının dövlət siyasətinə inteqrasiyası hələ də hökumətin prioritet istiqamətlərindən biridir, – bu barədə Gürcüstan hökuməti tərəfindən yayılan məlumatda qeyd olunub.

“Beynəlxalq və milli qanunvericiliyin üzərinə götürdüyü öhdəlikləri yerinə yetirmək üçün həm koordinasiya, həm də xidmətlərin göstərilməsi və əlçatanlığın təkmilləşdirilməsi baxımından mühüm addımlar atılır.

Qeyd edək ki, dövlət 2023-cü ildə əlilliyi olan şəxslərin hüquqları ilə bağlı BMT Komitəsinə ölkədə əlillərin hüquqi statusunu əks etdirən hesabat təqdim edib. Bundan sonra komitə dövlətə tövsiyələr verib.

2021-ci ildə Baş nazirin təşəbbüsü ilə yaradılan Gürcüstan Hökumətinin Əlillərin Hüquqları haqqında Konvensiyasının həyata keçirilməsi üzrə idarələrarası əlaqələndirmə komitəsi Əlilliyi olan Şəxslərin Məşvərət Şurası ilə birlikdə BMT komitədən alınan tövsiyələrin icrasını təşviq etmək və koordinasiya etməkdə davam edəcək.

Gürcüstanın “Əlilliyi olan şəxslərin hüquqları haqqında” qanuna əsasən, dövlət qurumları əlillərin hüquqları ilə məşğul olan təşkilatlarla birgə illik fəaliyyət planlarını hazırlayıb həyata keçirməkdə davam edir.

2022-ci il sentyabrın 5-də Gürcüstan hökuməti tərəfindən 2022-2030-cu illər üçün insan hüquqlarının müdafiəsi üzrə ikinci milli strategiya təsdiq edilib. Strategiya 2023-cü il martın 23-də parlament tərəfindən təsdiq edilib. Bu geniş sənəd bütün əsas hüquq və azadlıqları əhatə edir, həmçinin həssas qrupların hüquqlarının qorunmasına diqqət yetirir.

Milli strategiyada nəzərdə tutulan məqsəd və hədəflərin yerinə yetirilməsi məqsədilə hazırda insan hüquqlarının müdafiəsi üzrə milli fəaliyyət planının hazırlanması istiqamətində işlər aparılır. Tədbirlər planı 2024-2026-cı illəri əhatə edəcək. Bu sənədlərdə əlilliyi olan şəxslərin hüquqlarına xüsusi diqqət yetirilir. Yuxarıda qeyd olunan siyasi sənədlərdə əlilliyi olan şəxslərin bərabərliyini və əlçatanlığını təmin edən hədəflər nəzərdə tutulur, xüsusən də regionlarda yaşayan əlil qadınların və əlilliyi olan şəxslərin ehtiyacları və çətinlikləri vurğulanır.

Dövlət öz vətəndaşlarının qayğısına qalmaqda və onlara layiqli həyat bəxş etməkdə davam edir”, – deyə hökumətin məlumatında bildirilir.