Gürcüstan Dəmir Yolu bir neçə sərnişin qatarının gecikməsi ilə bağlı açıqlama yayıb.

“Hörmətli sərnişinlər, aşırım hissəsində pis hava şəraiti ilə əlaqədar Gürcüstan Dəmir Yolundan asılı olmayan səbəblərdən Dzirula və Marelisdəki Energo Pro Georgia stansiyasında gərginlik kəsilib və #802, #870, #873 # 803 nömrəli sərnişin qatarlarının hərəkəti gecikdi.

Buradan # 802 və #873 artıq fəaliyyətə başlayıb və digər iki qatar yaxında hərəkətini bərpa edəcək. Onu da qeyd edək ki, Gürcüstan Dəmir Yolu elektrik enerjisinin verilişinin kəsilməsinə baxmayaraq, qatarların qəza rejimində hərəkətini davam etdirir.

Bu səbəbdən hərəkət edən qatarlarda hələ də gecikmələr ola bilər. Əldə olan məlumata görə, qəzaya güclü qar səbəb olub. Bərpa işləri aparılır. Gürcüstan Dəmir Yolu gecikməyə görə üzr istəyir”, – Gürcüstan Dəmir Yolunun bəyanatında deyilir.