Gürcüstan Dəmir Yollarından verilən izahata əsasən, Qərbi Gürcüstanda pis hava şəraiti ilə əlaqədar sabah səkkiz reys ləğv edilir, bilet haqları isə sərnişinlərə tam ödəniləcək

22:48, 06.02.2024

Gürcüstan Dəmir Yollarından verilən bəyanata əsasən, Qərbi Gürcüstanda pis hava şəraiti ilə əlaqədar sabah, fevralın 7-də bəzi reyslər ləğv edilir.

Konkret olaraq, Gürcüstan Dəmir Yollarının yaydığı məlumatda, Tbilisi-Batumi (802), Tbilisi-Zuqdidi (870), Tbilisi-Ozurqeti-Kutaisi (12/18), Batumi-Tbilisi (803), Ozurqeti-Kutaisi-Tbilisi (11/17), Poti-Tbilisi (873), Xaşuri-Zestaponi (6446), Zestaponi-Xaşuri reyslərinin (6417) ləğv ediləcəyi deyilir.

Gürcüstan Dəmir Yollarında, ləğv edilmiş reyslərin bilet haqlarının sərnişinlərə tam şəkildə ödəniləcəyini bildirirlər.

Müəllif - Sevinj Mustafaeva

İctimaiyyət