Gürcüstan, Azərbaycan və Türkiyə dəmir yollarının rəhbərləri Bakı-Tbilisi-Qars dəmir yolunun tikintisinin başa çatdırılmasını müzakirə edirlər.

Azərbaycan mediasının məlumatına əsasən, “Azərbaycan Dəmir Yolları” idarə heyətinin  sədri Rövşən Rüstəmovun rəhbərlik etdiyi nümayəndə heyəti Gürcüstana səfər edib.

Səfərin məqsədi Bakı-Tbilisi-Qars dəmir yolu xəttinin tikintisi, bərpası və yenidən qurulması işləri ilə tanış olmaqdır. Həmçinin, Azərbaycan nümayəndə heyətinin rəhbəri Gürcüstan və Türkiyənin dəmir yolu idarələrinin rəhbərləri ilə görüşəcək.

Görüşün əsas mövzusu sözügedən layihənin başa çatdırılması və yükdaşımaların həcminin artırılması olacaq.

Azərbaycan mediası yazır ki, Orta Dəhlizin əsas qolu olan Bakı-Tbilisi-Qars layihəsi üzərində iş davam edir.

Onların sözlərinə görə, bu yolun gürcü seqmentinin genişləndirilməsi ilə bağlı işlər bir neçə aya başa çatacaq. Beləliklə, Bakı-Tbilisi-Qarsın ötürücülük qabiliyyəti bir milyon tondan beş milyon tona yüksələcək.