Gürcü xilasedicilər Türkiyədə təbii fəlakət zonasında axtarış-xilasetmə işlərinə artıq qoşulublar – bu barədə Gürcüstanın Türkiyədəki səfiri Qiorqi Cancğava Gürcüstanın Birinci Kanalının efirində açıqlayıb.

“Bildiyimiz kimi, onlar artıq Adıyaman əyalətindədirlər, xilasetmə əməliyyatlarında iştirak edirlər, biz onlarla əlaqə saxlayırıq və çəkiliş qrupları onların gördüyü işləri işıqlandırmağa hazırlaşırlar” – deyə səfir qeyd edib.

Fəlakətin miqyasından asılı olaraq, bölgədə kifayət qədər resursların nə dərəcədə səfərbər edildiyinə dair suala cavabında səfir bütün səylərin bu bölgəyə yönəldiyini bildirib.

“Prezident Ərdoğanın dediyi kimi, bütün səylər bu bölgəyə yönəlib, jandarma, ordu, polis, hər kəs yönəlib. Xilasetmə əməliyyatı davam edir. Çağırışa ilk cavab verənlərdən olduq və qısa zamanda çatdıq. 17 ölkədən xilasetmə briqadaları gəlib, bəziləri bu gün və sabah Türkiyədə olacaq. Prezidentin qeyd etdiyi kimi, 70-dən çox ölkə cavab verib və iştirak edəcək. Bizim üçün indi qış olması, rayonda şəraitin ağır, relyefin dağlıq olması vacibdir, təcili qoşulmaq labüddür. Xilasedicilərimiz artıq ərazidədirlər və xilasetmə əməliyyatı başlayıb. Fəlakətin baş verdiyi ümumi ərazi, zəlzələnin baş verdiyi ərazi iki Gürcüstan ərazisinə bərabərdir, bundan irəli gələrək regionda nə miqyasda işlərin aparılacağı aydındır”-deyə səfir qeyd edib.