Bu gün gürcü xalqı öz sözünü dedi, hər şeyi dəyərləndirdi və hökumətin mandatını “Gürcü arzusu”na təhvil vermək qərarına gəldi. – Gürcüstan parlamentinin spikeri Şalva Papuaşvili bu barədə ekzitpoulun nəticələri dərc edildikdən sonra məlumat verib.

Papuaşvili gürcü xalqına dəstəyə görə təşəkkür edib.

“Bu nəticə münasibətilə hamını təbrik edirəm. İki il yarımı sizinlə, xalqımızla keçirdik. Dörd ildə bir dəfə elə bir məqam gəlir ki, xalq hakimiyyət mandatına sahib olur və bu mandatı kimə ötürəcəyinə qərar verir. Bu gün gürcü xalqı kimlərinsə bizim üçün çox əziyyət çəkdiyi son dörd ildən danışdı, iki il yarımdan, kimlərinsə bizim üçün çox əziyyət çəkdiyindən danışdı. Hər şeyi dedi, ölçüb-biçdi, dəyərləndirdi və hökumətin mandatını “Gürcü arzusu”na təhvil vermək qərarına gəldi. Gürcü xalqına təşəkkür edirəm, bu böyük etimada görə bütün dəstəkçilərimizə təşəkkür edirəm”, – Şalva Papuaşvili bildirib.

Gürcüstanın üç telekanalı – “İmedi”, “Formula” və “Mtavari” 2024-cü il parlament seçkiləri üçün keçirilən ekzitpoulun nəticələrini dərc edib.