"Gürcü Arzusu" mayın 25-də Aspindza, Axalkalaki və Ninotsmindada da partiya konfransları keçirəcək

22:19, 24.05.2023

“Gürcü Arzusu”nun Borcomidə keçirilən partiya konfransında yerli təşkilatın sədri vəzifəsinə Borcomi Munisipalitetinin meri Otar Arbolişvili və büro üzvləri seçilib.

“Gürcü Arzusu” partiyasının mətbuat xidmətindən verilən məlumata görə, bu gün Axaltsixe və Adiqenidə də partiya konfransları keçirilib.

Onların verdiyi məlumatına əsasən, “Gürcü Arzusu”nun Axaltsixe təşkilatına Axaltsixe Munisipalitetinin meri İrakli Lazaraşvili rəhbərlik edəcək; Adiqeni yerli təşkilatına isə – Adigeni Munisipalitetinin meri Qoça Kimadze.

Bununla yanaşı, mayın 25-də Aspindza, Axalkalaki və Ninotsmindada da partiya konfransları keçiriləcək.

Müəllif - Sevinj Mustafaeva

Siyasət