"Gürcü Arzusu" İrakli Kobaxidzenin baş nazirliyə namizədliyini rəsmən irəli sürüb

14:26, 01.02.2024

Hakim partiya İrakli Kobaxidzenin baş nazirliyə namizədliyini rəsmən irəli sürüb.

“Gürcü Arzusu”nun yeni sədri İrakli Ğaribaşvilinin qurultayda çıxışı zamanı qeyd etdiyi kimi, partiyanın baş nazirliyə namizədi İrakli Kobaxidze olacaq və o, ona uğurlar arzulayıb. Qurultayda rəmzi səsvermə də keçirilib.

Partiyanın qurultayından əvvəl “Gürcü Arzusu”nun siyasi şurasının iclası keçirilib, iclasda sözügedən məsələ müzakirə olunub.

İrakli Kobaxidze hökumətin yeni tərkibini açıqlayacaq, bundan sonra da parlament gələn həftə yeni baş naziri və hökumətin tərkibini təsdiq edəcək.

İrakli Ğaribaşvili yanvarın 29-da Gürcüstanın baş naziri vəzifəsindən istefa verdiyini açıqlayıb.

Müəllif - Sevinj Mustafaeva

Siyasət