“Gürcü arzusu” Fransa prezidenti Emmanuel Makronla Bidzina İvanişvili arasında telefon danışığı barədə əlavə məlumat dərc edir.

Yayılan məlumata görə, Fransa prezidenti çıxışı zamanı həqiqətən də məhbusların azad edilməsi məsələsini qaldırıb.

“Hörmətli partiya sədri bu məsələ ilə bağlı prezidentə izahat verdi ki, saxlanılanların əksəriyyəti inzibati həbsdədir və yaxın vaxtlarda onların hamısı azadlığa buraxılacaq. Cinayət ittihamı ilə həbs edilən şəxslərə gəlincə, Makron izah edib ki, Gürcüstan hüquqi dövlətdir və bütün cinayətkarlar törətdikləri cinayətlərə görə qanunun tələblərinə və yüksək sübut standartına uyğun cavabdehdirlər. Bidzina İvanişvili həmçinin Fransa prezidentinə izah edib ki, polis etirazçıların genişmiqyaslı zorakılığına qarşı Avropa standartından daha yüksək standartlarla hərəkət edib. Bundan əlavə, partiyanın fəxri sədri çıxışı zamanı qeyd etdi ki, ayrı-ayrı əməllərlə bağlı araşdırmalara başlanılıb və hazırda da davam edir”. – yayılan məlumatda deyilir.

“Gürcü arzusu” telefon danışığı ilə bağlı məlumatı bir neçə saat əvvəl yayıb. Həmçinin Yelisey sarayının saytında söhbətlə bağlı rəsmi məlumat yerləşdirilib.