Zəifləmiş Saakaşvilinin özünün müxalifətin zəif olduğunu deməsi artıq radikal müxalifətin nə gündə olduğunu göstərir-bu haqda “Xalqın Gücü” hərəkatının üzvü Quram Macharaşvili bildirib.

Macharaşvilinin sözlərinə görə, Gürcüstan müxalifətindəki siyasi partiyaların reytinqi praktiki olaraq məhv olmuş vəziyyətdədir.

“Hətta onların lideri zəifliklərindən danışır. Gürcüstan müxalifətində olan siyasi partiyaların reytinqinin praktiki olaraq məhv olması yaxşı deyil, amma gürcü xalqı öz vətənində ikinci cəbhənin açılmasına dəstək verilməsini heç kimə bağışlamaz. Onların keçmiş və indiki lideri seçkilərə bir il qalması fonunda müxalifətin zəifliyindən danışır” – Quram Macharaşvili bildirib.