Givi Mikanadze parlamentdə çıxışı zamanı bildirib ki, məktəb forması məktəb mədəniyyətinin formalaşmasına kömək edir, şagirdlərin məktəbə aidiyyət hissini gücləndirir və daha nizamlı akademik mühit yaradır.

Onun sözlərinə görə, bu həm sosial fərqləri azaldır, həm də valideynlərin gündəlik xərclərini yüngülləşdirir.

Givi Mikanadze qeyd edib ki, hazırda məktəb formaları ilə bağlı bazar araşdırması çərçivəsində dəqiqləşdirmə prosedurları aparılır.

O əlavə edib ki, proses bir neçə mexanizmlə qorunur — bank zəmanətləri, mərhələli təchizat nəzarəti, keyfiyyət ekspert yoxlaması və inzibati monitorinq tətbiq olunur. Ümumilikdə təxminən 1 milyon 800 min geyim vahidinin tədarükü mərhələli şəkildə planlaşdırılıb.

Nazirin sözlərinə görə, gözləntilərə əsasən 15 sentyabrda bütün birinci sinif şagirdləri məktəb forması ilə təmin olunacaq, birinci semestr ərzində isə ikinci–altıncı siniflər də mərhələli şəkildə formalarla təmin ediləcək.