“Quruculuq Strategiyası”nın lideri Qiorqi Vaşadze, ABŞ Dövlət Departamentinin sözçüsü Ned Praysın bəyanatının zərərli anti-Avropa, anti-Amerika və anti-Qərb bəyanatlarından çəkinmək üçün “Gürcü Arzusu”na yönəlik xəbərdarlıq olduğunu bildirib.

Vaşadze, “Gürcü Arzusu” nun bunu etməməsi halında, ölkə üçün ağır olacağını bildirib.

“Bu bəyanatı başa düşməsələr, onları əvvəlcə gürcü xalqından, sonra isə Amerika və qərbli tərəfdaşlardan olduqca ağır aqibət gözləyir. Bu cür mənəviyyatsızca etdiklərinə heç kim dözməyəcək. “Gürcü Arzusu”nun hərəkətlərinə sevinənlər yalnız Putin və Rusiyadır. Gürcü xalqı və qərbli tərəfdaşlar “Gürcü Arzusu”nun sözdə qərbyönlü qüvvədən birbaşa rusyönümlü qüvvəyə çevrilməsinə ciddi şəkildə baxır. Ned Praysın bəyanatı Amerika səfirinə, qərbli tərəfdaşlara, Amerikaya hücum edənlərə sərt xəbərdarlıqdır. Kimi nəzərdə tuturlar? Kim çıxaraq yalnız müharibə başlayacağı təqdirdə, bizə status veriləcəyini dedi. Kim Amerika səfirinə hücum etdi və şərtlər qoyur? – İrakli Kobaxidze, Mdinaradze, Tsaqareişvili. Özlərindən 3 nəfəri uzaqlaşdırdılar, sizcə, bunu kimsə qəbul edərmi? Onların arxasında “Gürcü Arzusu” və Kobaxidze dayanır. Yeri gəlmişkən, Sozar Subari hara yoxa çıxıb? Bu bəyanat həm ismarıcdır, həm siqnal, həm də səs-küydür. Əgər başa düşmürlərsə, onları olduqca ağır günlər gözləyir”- deyə Qiorqi Vaşadze bildirib.

Dövlət Departamentinin sözçüsü Ned Prays brifinqdə bildirib: “Səfir Deqnan, onun komandası və Tbilisidəki səfirliyimiz gürcü xalqı ilə işləməyə və Gürcüstanın Avroatlantik istəklərini dəstəkləməyə can atırlar. Bizim tam dəstəyimiz səfir Deqnanladır. Dezinformasiya və səfir Deqnana və ya onun komandasına yönəlik şəxsi hücumlar tərəfdaşlarımız arasındakı ünsiyyətə uyğun deyil və biz ümumi hədəflərimizi dəstəkləməyə köklənməyi davam etdirəcəyik”.