Fakt odur ki, çoxlu insan toplaya bilmədilər, bunun səbəbi məlumdur-bu barədə Gürcüstan parlamentinin birinci vitse-spikeri Qia Volski Mixeil Saakaşvili üçün “Milli Hərəkat” və onun tərəfdarlarının təşkil etdiyi həmrəylik aksiyası ilə bağlı jurnalistlərə açıqlamasında bildirib.

O, “Milli Hərəkat”ın idarəçiliyini öz üzərində sınaqdan keçirmiş bir çox insan, ailələrin sabitliyi pozan birliyin uğur qazanmasına imkan verməyəcəyini bildirib.

“Bu sadist idarəçiliyi öz üzərində sınaqdan keçirmiş bir çox insan, ailələr təbii ki, sabitliyi pozan, destabilizasiyanı təşviq edən bu mövzu ətrafında təşkilatlanan birliyin uğur qazanmasına imkan verməyəcək”-deyə Qia Volski açıqlayıb.

Anzor Meliyanın Xabeişvilinin aksiyasının İvanişvilinin maraqlarının daşıyıcısı olması və Xabeişvilinin İvanişvilinin oyununu oynaması barədə bəyanatı ilə bağlı suala cavabında Qia Volski bildirib ki, o, Meliyanın bəyanatı ilə tanış deyil,hərçənd Levan Xabeişvili heç kimin maraqlarının daşıyıcısı sayıla bilməz.

“Ümumiyyətlə, Xabeişvilinin və ya hər hansı bir şəxsin Gürcüstanda sabitliyin sarsıdılmasına xidmət edən sarsıntı və belə bir cəmiyyətin Saakaşvili amili ətrafında birləşməsi deyilən məqsədlə həyata keçirdiyi aksiya, təbii ki, “Milli Hərəkat”ın maraqlarının daşıyıcısıdır. Fakt odur ki, çoxlu insan toplaya bilmədilər, bunun səbəbi məlumdur. Xabeişvilinin özü anlaşılmaz bir fiqurdur. Heç bir halda onu kiminsə, konkret olaraq Bidzina İvanişvilinin, yaxud hər hansı digər siyasi qüvvənin və ya başqa şəxsin maraqlarının daşıyıcısı kimi qəbul etmək olmaz” – deyə Qia Volski bildirib.