Gürcüstan Müdafiə Qüvvələrinin komandanı, general-mayor Qiorqi Matiaşvili Azərbaycan Respublikasında səfərdədir.

Gürcüstan Müdafiə Qüvvələrinin nümayəndə heyətini Azərbaycanın müdafiə naziri, general-polkovnik Zakir Həsənov qəbul edib. O, general-mayor Q.Matiaşviliyə səfərə görə təşəkkür edib və iki qonşu ölkə arasında sıx tərəfdaşlıq və dostluq münasibətlərini xüsusilə vurğulayıb.

Diqqət regionda mövcud təhlükəsizlik mühitinin və regionun dinc, sabit inkişafının vacibliyinə yönəldilib. Gürcüstan Müdafiə Qüvvələrinin komandanını Azərbaycan müdafiə nazirinin birinci müavini, Silahlı Qüvvələrin Baş Qərargah rəisi, general-polkovnik Kərim Vəliyev qəbul edir.

Baş Qərargahda keçirilən rəsmi qarşılanma mərasimindən sonra həmkarlar ikitərəfli görüş keçiriblər. Görüşdə tərəflər müdafiə sahəsində ikitərəfli və üçtərəfli əməkdaşlıq məsələlərini müzakirə edib və gələcək planları müəyyən ediblər. Görüşdə beynəlxalq təlimlərdə birgə iştirak və hərbi təhsil sahəsində əməkdaşlıq məsələlərinə toxunulub.

Azərbaycan Respublikasına rəsmi səfəri çərçivəsində general-mayor Qiorqi Matiaşvili və nümayəndə heyətinin üzvləri döyüş əməliyyatları mərkəzində də olub, şəxsi heyətlə görüşüb, mərkəzin imkanları ilə tanış olublar.

Məlumatı Gürcüstanın Müdafiə Nazirliyi yayır.