Macarıstanın Baş naziri Viktor Orbanın gələn həftə Gürcüstana səfəri planlaşdırılır. Bu barədə Macarıstanın Baş naziri Viktor Orban İspaniyanın Qranada şəhərində Avropa İttifaqı liderlərinin görüşü başlamazdan əvvəl bildirib.

Orban Tbilisidə Macarıstan və Gürcüstan hökumətlərinin görüşünün keçiriləcəyini bildirib.

Bundan əlavə, onun qeyd etdiyi kimi, o, Gürcüstanın Avropa İttifaqına daxil olmasının böyük tərəfdarıdır.

“Üzvlüyünüzün ən sadiq tərəfdarıyam. Bacardığınız an üzv olmayacağınızın vədini verməmək tamamilə ədalətsizlikdir, çünki siz möhtəşəm iş görmüsünüz və sizə həqiqətən ehtiyacımız var. Status almamağınızın səbəbi rəhbərlərin eqoistliyidir. Sizi içəri buraxmaq və ehtiyac duyduğunuz maliyyə resurslarını vermək istəmirlər. Bunu genişlənmə yorğunluğu adlandırmaq olar, bu da ölkənizə münasibətdə tamamilə ədalətsizdir. Sahib olduğumuzu paylaşmalıyıq, çünki istənilən halda sizə ehtiyacımız var. Strateji mövqeyə maliksiniz. Mən statusunuzun böyük tərəfdarıyam. Gələn həftə ölkənizdə olacağam. Tbilisidə birgə hökumət iclasımız olacaq. Macarıstan hökuməti Tbilisidə olacaq” -deyə Viktor Orban açıqlayıb.