Fransanın Xarici Təhlükəsizlik Baş İdarəsi Direction Générale de la Sécurité Extérieure Gürcüstan kəşfiyyatı tərəfindən aşkar edilən yüksək profilli casusluq işi ilə bağlı mərkəzdə yer alır – bu başlıqla “Intelligence Online” nəşri məqalə yayıb.

Nəşrin məlumatına görə, Fransanın xarici kəşfiyyat xidmətinə bu ay Tbilisidə olan üç əməkdaşını geri çağırmaq lazım olub.

Fransız nəşrinin iddiasına əsasən, bu hadisə State Security Service of Georgia tərəfindən Fransanın Xarici Təhlükəsizlik Baş İdarəsinin Gürcüstanın sabiq baş naziri Bidzina Ivanishvili ilə yaxın əlaqələri olan mühüm bir şəxsi ələ keçirməyə çalışdığının aşkar edilməsindən sonra baş verib.

Məlumata görə, bu hadisə ölkələr arasında gərginlik yaradıb. Gürcüstan tərəfinin həmin üç şəxsi persona non grata elan etməsi ilə bağlı isə hələlik rəsmi məlumat yayılmayıb.