Fövqəladə Halların İdarəedilməsi Xidmətinin rəhbəri Temur Mğebrişvili iki həftə əvvəl Borcomi Munisipalitetinin Kvabisxevi və Atsğuri kəndləri arasında yerləşən yamacda başlamış yanğının söndürüldüyünü bildirib. O, hazırda ərazidə tüstülənən ocaqların monitorinqinin aparıldığını və onların üzərində işlənildiyini qeyd edib.

Bununla yanaşı, dünən Borcomi-Xaraqauli Milli Parkında meydana gəlmiş yeni yanğın ocağına gəlincə, Temur Mğebrişvili yanğının lokallaşdırıldığını və söndürülmə işlərinin günün sonuna qədər yekunlaşa biləcəyini bildirib.

“Likani yaxınlığındakı yanğın ocağı tam lokallaşdırılıb və nəzarət altındadır. Eyni zamanda, helikopter də işə salınıb, sabit formada likvidasiya işləri üçün gedirik. Faktiki olaraq, bizdə artıq aktiv yanğın ocağı yoxdur və bu o deməkdir ki, tüstülənən ocaqların monitorinqi aparılır və artıq heç bir yerdə açıq yanğın ocağı yoxdur. Əgər hava və iqlim şəraiti bizə mane olmasa, yəqin ki, günün sonunda bu bölgədə də likvidasiyanı elan edəcəyik. Çətin olduğunu deyə bilməzdim, bəlkə də ən çətini idi. Necə mürəkkəb relyef olduğunu görürsünüz , fiziki olaraq oraya getmək çox çətin idi, lakin yanğınsöndürən-xilasedicilərin çevik, operativ hərəkəti, eləcə də munisipalitetin, İnfrastruktur Nazirliyi tərəfindən traktorların və ağır texnikanın səfərbər edilməsi yollar salmağımıza imkan verdi. Ağır texnika gecə boyu işlədi və nəticə göz önündədir”-deyə Temur Mğebrişvili bildirib.