Çoxları de-oliqarxizasiya qanununun özünün ölkəni daha çox qütbləşdirdiyini deyir, bəli, o, daha da qütbləşdirir, lakin Avropa İttifaqından heç vaxt de-oliqarxizasiyaya dair xüsusi qanunun qəbulu ilə bağlı tələb olmayıb-bu barədə Estoniyanın Gürcüstandakı səfiri Rina Kaliurand açıqlayıb.

O bildirib ki, korrupsiyaya qarşı mübarizəyə yönəlmiş bütün digər qanunlar yenilənsə, islahatlar aparılsa və təkmilləşdirilsə, de-oliqarxizasiya ilə bağlı xüsusi qanuna ehtiyac qalmayacaq.

“Düşünürəm ki, biz hamımız de-oliqarxizasiya dedikdə nəyi nəzərdə tutduğumuzu bilirik. Bu, pul və siyasəti ayırmaq cəhdidir. Fikrimcə, de-oliqarxizasiya korrupsiyaya qarşı mübarizəni, korrupsiyanın aradan qaldırılmasına kömək edən istənilən qanunvericiliyin gücləndirilməsini və təkmilləşdirilməsini nəzərdə tutur. Bu konkret qanundan danışanda çoxları de-oliqarxizasiya qanununun özünün ölkəni daha çox qütbləşdirdiyini deyir, bəli, o, daha da qütbləşdirir, lakin Avropa İttifaqından heç vaxt de-oliqarxizasiyaya dair xüsusi qanunun qəbulu ilə bağlı tələb olmayıb. Bunun özü də çox mübahisəli məsələdir və Ukrayna təcrübəsindən bildiyimiz kimi, “oliqarx”ın müəyyən edilməsi kifayət qədər çətindir. Hesab edirəm ki, korrupsiyaya qarşı mübarizəyə yönəlmiş bütün digər qanunlar yenilənsə, islahatlar aparılsa və təkmilləşdirilsə, de-oliqarxizasiya ilə bağlı xüsusi qanuna ehtiyac qalmayacaq” -deyə Estoniyanın səfiri bildirib.