Ermənistanın baş nazirinin administrasiyası Azərbaycana atəşkəsin pozulması hallarının araşdırılması üçün ikitərəfli mexanizmin tətbiqini təklif edir. Bu barədə Ermənistan hökumətinin mətbuat xidməti məlumat yayıb.

“Son vaxtlar Azərbaycan Respublikasının Müdafiə Nazirliyi Ermənistan Respublikası Müdafiə Nazirliyinin bölmələri tərəfindən atəşkəs rejimini pozması barədə mütəmadi olaraq məlumatlar yayır. Ermənistanın Müdafiə Nazirliyi bütün bu iddiaları təkzib etsə də, Azərbaycan oxşar məlumatları yaymaqda davam edir.

Ermənistan Respublikasının baş nazirinin bu il iyunun 15-də verdiyi bəyanatı davam etdirərək və Ermənistan Respublikası hökumətinin istədiyi fakta əsaslanaraq, gərginliyin qarşısını almaq üçün Ermənistanın baş nazirinin ofisi diplomatik kanallar vasitəsilə Azərbaycan prezidentinin aparatına atəşkəs rejiminin pozulması hallarının araşdırılması üçün ikitərəfli mexanizmin yaradılmasını təklif edib. Ermənistan Respublikasının baş nazirinin ofisi bu mexanizmin həyata keçirilməsinə başlamaq üçün təşəbbüs göstərir”, – deyə məlumatda bildirilir.