Ermənistanda Covid 19-a 186 yeni yoluxma halı qeydə alınıb

12:10, 08.07.2021

Ermənistanda Covid 19-a 186 yeni yoluxma halı qeydə alınıb. Bu barədə erməni mətbuatı , ölkənin Səhiyyə Nazirliyinin Xəstəliklərə Nəzarət və Profilaktika Milli Mərkəzinə istinadən məlumat yayır.

Son bir gündə Ermənistanda koronavirus infeksiyasının səbəb olduğu xəstəliklər nəticəsində 5 nəfər dünyasını dəyişib.

Pandemiyanın başlamasından bu günədək Ermənistanda ümumilikdə , koronavirusa 225 987 yoluxma halı qeydə alınıb , onlardan 217 381 pasiyent artıq sağalıb, 4,536 nəfər isə dünyasını dəyişib.

Ötən bir sutkada, infeksiyaya yoluxmuş 3 nəfər digər xəstəliklər səbəbi ilə dünyasını dəyişib. Ermənistanda bu cür halların sayı 1104-ü təşkil edir.

Müəllif - Sevinj Mustafaeva

Dünya