Gürcüstan və Ermənistanın baş nazirləri Gürcüstanın Ermənistan Respublikasındakı səfirliyinin yeni binasının açılışını ediblər.

Bu barədə məlumatı Gürcüstan hökuməti yayır.

Məlumatda, Gürcüstanın Ermənistan Respublikasındakı fövqəladə və səlahiyyətli səfiri Qiorqi Şarvaşidzenin İrakli Kobaxidze və Nikol Paşinyanı qəbul etdiyi deyilir.

“Gürcüstan tərəfi binanı 2024-cü ildə alıb. İlk dəfə ölkənin Ermənistan Respublikasında binasının Gürcüstana məxsus olduğu səfirliyi var. O, digər diplomatik missiyaların nümayəndəliklərinin yerləşdiyi şəhərin mərkəzi hissəsində yerləşir və vətəndaşların qəbulu, ofis, konfrans otaqlarını əhatə edir. Binanın təşkilində dizayn zamanı etnik və mədəni elementlər nəzərə alınıb. Gürcüstanın Ermənistan Respublikasındakı səfirliyinin yeni binası Gürcüstana məxsus olan 15-ci binadır” – məlumatda deyilir.