Ermənistan Respublikasının prezidenti Vahaqn Xaçaturyanın Gürcüstana rəsmi səfəri başlayıb.

Ermənistan prezidentinin rəsmi qarşılanma mərasimi Orbeliani sarayında keçiriləcək.

Rəsmi səfər çərçivəsində Ermənistan Respublikası prezidenti ilə Gürcüstan prezidentinin təkbətək və geniş tərkibdə görüşü planlaşdırılır, bundan sonra Vahaqn Xaçaturyan və Salome Zurabişvili mətbuata birgə bəyanatlarla çıxış edəcəklər.

Rəsmi səfər çərçivəsində Ermənistan Respublikasının prezidenti Gürcüstanın baş naziri və parlamentin sədri ilə də görüşlər keçirəcək.

Vahaqn Xaçaturyan Gürcüstanın birliyi uğrunda mübarizədə həlak olmuş qəhrəmanların xatirəsinə ucaldılmış abidənin önünə əklil qoyacaq və onların xatirəsini ehtiramla yad edəcək.

Məlumatı Gürcüstan Prezident Administrasiyasının mətbuat xidməti yayır.