Ermənistan Milli Assambleyasının sədri Alen Simonyan jurnalistlərlə danışarkən, Ermənistanın Kollektiv Təhlükəsizlik Müqaviləsi Təşkilatından çıxmasının istisna edilmədiyini bildirib.

Alen Simonyana Rusiyanın Xarici İşlər Nazirliyinin nümayəndəsi Mariya Zaxarovanın Kollektiv Təhlükəsizlik Müqaviləsi Təşkilatından çıxmağın Ermənistan xalqının marağında olmaması haqda bəyanatı ilə bağlı sual verilib. Alen Simonyan əvvəlcə Zaxarovanın bəyanatını şərh etmək istəmədiyini qeyd edib, sonra isə əlavə edib:

“Düşünürəm ki, Ermənistanla təhdid dili ilə danışmaq çox pis məntiqdir. Yəni, başa düşmək istəyirəm, onlar Ermənistanla təhdid dili ilə danışırlar və fikirləşirlər ki, ermənilər düşünməlidirlər ki, əks halda azərbaycanlılar vasitəsilə bizə hücum edəcəklər? Biz bunu bu və ya başqa şəkildə görmüşük. Biz başqa ölkənin Ermənistana hücumlarının şahidi olarkən Kollektiv Təhlükəsizlik Müqaviləsi Təşkilatında idik. O zaman onlar özlərini heç nə olmamış kimi aparırdılar” – Simonyan bildirib.

Bununla yanaşı, Alen Simonyan qeyd edib ki, Ermənistanda Rusiya əleyhinə kampaniya olmayıb.

“Mən daha bir şey soruşmaq istəyirəm – sizə hücum etsəm və siz mənə müqavimət göstərsəniz, bu, anti-Alen kampaniyasımı olacaq? Yəni rahatlaşmalı idiniz və zövqmü almalıydıq?” – Simonyan bildirib.