Ermənistan mediasının məlumatına görə, Azərbaycan hərbçisi mövqelərini tərk edərək Ermənistan sərhədini keçib və mülki şəxsə atəş açıb, xəsarət alan şəxsin vəziyyəti stabildir və hərbçi saxlanılıb

Azərbaycan hərbçisi mövqelərini tərk edərək Ermənistan sərhədini keçib və mülki şəxsə atəş açıb. Ermənistan mediası məlumat yayır.

Ermənistan mediasının məlumatına görə, hadisə Sünik bölgəsində baş verib. Xəsarət alan şəxsin vəziyyəti stabildir.

Hazırda Azərbaycan hərbçisi saxlanılıb.

Ermənistan mediasının məlumatına görə, Azərbaycan Dövlət Təhlükəsizlik Xidməti Ermənistan Milli Təhlükəsizlik Xidmətinə Azərbaycan hərbi hissələrindən birinin hərbçisi qeyri-müəyyən şəraitdə postunu tərk etdiyi barədə məlumat verib. Bundan sonra Ermənistan və Azərbaycanın səlahiyyətli orqanları müvafiq axtarış tədbirləri həyata keçiriblər.

Ermənistan Respublikası Daxili İşlər Nazirliyinin 112 Operativ İdarəetmə Mərkəzinə 1 oktyabr saat 14:15-də Sünik bölgəsinin Şaki kəndində Ermənistan vətəndaşına odlu silahla xəsarət yetirilməsi barədə məlumat daxil olub. Cinayətin saxlanılan Azərbaycan hərbi qulluqçusu tərəfindən törədildiyi təsdiqlənib.

Hadisənin təfərrüatları Azərbaycan tərəfinə də təqdim edilib.

Ermənistan Respublikasının İstintaq Komitəsi hadisə ilə bağlı cinayət işi açıb.