Bizimlə olan baş nazirə müraciət edirəm, Gürcüstanın avropalı seçimi, eləcə də demokratik model seçimini təsdiq edəcəyinə qətiyyətlə ümid edirəm – bu haqda Fransanın Prezidenti Emmanuel Makron Avropa Siyasi Birliyinin sammitində bildirib.

Makronun qeyd etdiyi kimi, “O, avropalı demokratik modelin də təhlükə altında olduğunu düşünür”.

“Düşünürəm ki, son həftələrin inkişafı avropalı demokratik modelin də təhlükə altında olduğunu göstərir. Gürcüstan və Moldovada bir neçə hücumlar, kiberhücumlar, səslərin satın alınması, manipulyasiyalar oldu. Bütün müşahidəçilər buna işarə edirlər. Buradaca, Maia Sandunu yenidən seçilməsi münasibətilə təbrik etmək istərdim. Bizimlə olan baş nazirə müraciət edirəm, Gürcüstanın avropalı seçimi, eləcə də demokratik model seçimini təsdiq edəcəyinə qətiyyətlə ümid edirəm”- Emmanuel Makron bildirib.

Macarıstanın paytaxtı Budapeştdə Avropa Siyasi Birliyinin sammiti keçirilir. Sammitdə 40-a yaxın dövlətin lideri, o cümlədən Gürcüstanın Baş naziri İrakli Kobaxidze iştirak edir.