Mədəniyyət Komitəsinin sədri Eliso Bolkvadze Strasburqda Avropa Şurasının baş katibi Maria Peiçinoviç Buriçlə görüşüb.

Görüşdə Gürcüstanın Avropa İttifaqına inteqrasiyası prosesində mədəniyyət diplomatiyasının rolundan danışılıb.

“Bu gün xanım Maria Buriçlə çox maraqlı söhbətimiz oldu. Biz Gürcüstanın avrointeqrasiya proseslərindən, Gürcüstanın mədəniyyətinin bizim üçün bu olduqca önəmli yolda hansı rol oynadığından danışdıq və onların dəstəyinin önəmini vurğuladıq. Biz həmçinin sülhün qurulmasının unikal yollarından biri kimi mədəniyyətdən danışdıq və bu istiqamətdə müxtəlif proqramların hazırlanması və planlaşdırılmasını müzakirə etdik”- Eliso Bolkvadze açıqlayıb.

Görüşdə Gürcüstanın Avropa Şurasındakı səfiri, eyni zamanda Avropa Şurasının mədəniyyət, təhsil, gənclik, idman və ətraf mühitin mühafizəsi ümumi məruzəçilər qrupunun sədri seçilmiş Tamar Taliaşvili iştirak edib.

“Avropa Şurasının baş katibi ilə görüşdə bir sıra mühüm mesajlar səsləndi, onların arasında Gürcüstanın suverenliyinə dəstək və Gürcüstanın Avropa yolunda əldə etdiyi uğurdan danışdıq”- Tamar Taliaşvili açıqlayıb.

Səfər çərçivəsində Gürcüstan Parlamentinin Mədəniyyət Komitəsinin sədri Avropa Şurasının Demokratiya və İnsan Ləyaqəti üzrə Baş Direktoratlığının baş direktoru Maria Routanen və Demokratiya Direktoratlığının direktoru Matias Qruden ilə görüşəcək. Görüşdə demokratiyanın inkişafı prosesində incəsənət təhsilinin keyfiyyətli təmin edilməsinin önəmi müzakirə olunacaq.

Günün sonunda isə Mədəniyyət Komitəsi, Təhsil, Elm və Gənclərlə İş üzrə Komitə və Diaspor və Qafqaz Məsələləri Komitəsinin birgə tematik araşdırması çərçivəsində Strasburq bazar günü məktəbinin uşaqları ilə görüş nəzərdə tutulub.

Məlumatı Gürcüstan parlamentinin mətbuat xidməti yayır.