Edit Medne Latviya Respublikasının Gürcüstandakı yeni fövqəladə və səlahiyyətli səfiri təyin edilib.

Məlumatı, Latviya Xarici İşlər Nazirliyi “Twitter”də yayır.

“Latviyanın Gürcüstandakı yeni səfiri Edit Medneni sizə təqdim edirik! O, Latviyanın İrlandiyadakı səfirliyində, Latviyanın Avropa İttifaqındakı Daimi Nümayəndəliyində işləyib, Əmlak və İnvestisiya Siyasəti Şöbəsinə və Diplomatik Müəssisələr Şöbəsinə rəhbərlik edib” – deyə Xarici İşlər Nazirliyinin məlumatında deyilir.

Bununla yanaşı, Xarici İşlər Nazirliyi Latviyanın Gürcüstandakı yeni səfirinin bəyanatına istinad edib.

“Latviya Avro-Atlantika istəklər və islahatların həyata keçirilməsi istiqamətində Gürcüstanın etibarlı tərəfdaşı və dəstəkçisidir və bundan sonra da belə olacaq. Latviya ilə Gürcüstan arasında iqtisadi və mədəni əlaqələrin inkişafını dəstəkləyirəm, Latviya diasporu ilə sıx əməkdaşlıq etmək arzusundayam” -deyə Edit Medne bildirir.