Edqars Rinkeviç – Süni intellekt seçki proseslərinə müdaxilə etmək üçün istifadə oluna bilən təhlükəli vasitədir

Latviya prezidenti Edqars Rinkeviç bildirib ki, süni intellekt seçki prosesinə müdaxilə etmək üçün istifadə oluna biləcək təhlükəli alətdir.

“Delfi” xəbər verir ki, Rinkeviç bunu Latviyada “süni intellekt mərkəzi”nin yaradılması kontekstində deyib.

“Biz istəmirik ki, Süni İntellekt Mərkəzi yalnız kağızlar istehsal edən və dünyaya süni intellektlə nə etmək barədə suallar göndərən başqa bir dövlət qurumuna çevrilsin.” – Latviya Prezidenti dedi.

Onun sözlərinə görə, bu, ABŞ və Avropa tərəfdaşları, sənaye və müxtəlif müəssisələrlə əməkdaşlıq edəcək ən yaxşı qüvvələri bir araya gətirəcək mərkəz ola bilər.

Rinkeviç qeyd edib ki, müdafiə nöqteyi-nəzərindən hazırda süni intellekt sürətlə inkişaf edir, bundan əlavə, onun tətbiqi tədqiqatlara, akademik işlərə və tələbələrin tədrisinə töhfə verir.

“Sənaye özü qaydalar üzərində işləməyə hazırdır, o, süni intellektlə bağlı bütün riskləri dərk edir”. – Rinkeviç dedi