Easyjet aviaşirkəti Gürcüstandan uçuşlara başlayır

Britaniyanın büdcəli aviaşirkəti “EasyJet” Gürcüstandan uçuşlara başlayır.

Bununla əlaqədar olaraq aviaşirkət sərnişinlərə Gürcüstana səyahət təklif edən və ölkənin görməli yerləri barədə məlumat verən videoçarx hazırlayıb.

Uçuşlar 2025-ci ilin yazından başlayacaq. Bu mərhələdə aviaşirkət Gürcüstanın paytaxtından London, Milana və Cenevrəyə uçuşlar həyata keçirəcək. Artıq aviaşirkətin saytında aviabilet almaq mümkündür.

Tbilisidən Cenevrəyə ilk uçuş martın 31-də həyata keçiriləcək. Aviaşirkət həftədə iki dəfə bu istiqamətə uçuşlar həyata keçirir. Aprelin 1-dən London Luton və Milan Malpensa hava limanlarına da uçuşlar həftədə iki dəfə başlayacaq.