Dövlət Təhlükəsizliyi Xidməti konkret media vasitələrində amerikalı diplomatların dünyanın bir sıra ölkələrində, o cümlədən Gürcüstanda sağlamlığına zərər vurulması haqqında yayılmış məlumatlara münasibət bildirir. Məlumatın mənbəyi isə amerikalı diplomatlarda “anomal sağlamlıq insidentinin” baş verməsi ilə bağlı xarici jurnalist araşdırması olub- bu barədə DTX bəyanat yayır.

“Media vasitələrində məlumat yayıldıqdan sonra Dövlət Təhlükəsizliyi Xidməti müvafiq cavab tədbirlərindən əvvəl qeyd olunan faktları müəyyən müddət ərzində yenidən yoxlayıb və yayılmış beynəlxalq təcrübəni nəzərə almaqla, işlə bilavasitə təması olan tərəfdaş tərəfin rəsmi açıqlamasını gözləyib. İctimaiyyətə məlum olduğu kimi, Amerika Birləşmiş Ştatlarının Mərkəzi Kəşfiyyat Agentliyi və Dövlət Departamenti kimi səlahiyyətli qurumların özləri təklif olunan jurnalist araşdırmasının nəticələrinin reallığına şübhə ilə yanaşır və jurnalistlərin dərc etdiyi 2021-ci ildə təkcə Gürcüstanda deyil, müxtəlif illərdə dünyanın müxtəlif ölkələrində, o cümlədən Almaniyada, Avstriyada, Polşada, Kubada və s. faktların mövcudluğunu təsdiqləmir.

Gürcüstanın Dövlət Təhlükəsizliyi Xidməti yuxarıda qeyd olunan cavabı tam əhatəli hesab edir, bununla da ictimaiyyətin marağı tam təmin edildi və hesab edir ki, hazırkı versiyanın əsassızlığını bir daha sübut etməyə ehtiyac yoxdur.

Təəssüflər olsun ki, amerikalı tərəfdaşların hərtərəfli izahatına baxmayaraq, Gürcüstanda hələ də bu məsələdən spekulyasiyalar və Dövlət Təhlükəsizliyi Xidmətini nüfuzdan salmaq cəhdləri üçün hər zamanki kimi istifadə etməyə cəhd edən müəyyən siyasi qüvvələrdən asılılığı olan şəxslər və medialar ortaya çıxdı.

Burada biz ictimaiyyəti əmin etmək istəyirik ki, regionda artan çağırışlar fonunda ölkədə təhlükəsizlik maksimum səviyyədə qorunur ki, bu da son illərin dinc birgəyaşayışında ifadə edilib” – deyə DTX-nin bəyanatında qeyd edilib.